Pákistandyq azamat balalarynyń sanyn 100-ge jetkizýdi armandaıdy
ASTANA. QazAqparat - Búginde jasy 46-ǵa kelgen pákistandyq Sardar Mohammad Khıldjı óz kindiginen taraǵan balalar sanyn 100-ge jetkizýdi armandap keledi dep jazady www.muslim.kz.
Qazirgi ýaqytta onyń úsh áıelinen taraǵan urpaǵynyń sany 35-ke jetken. Endi ol ózine tórtinshi áıel alatynyn málimdep otyr.
Alǵash 26 jasynda januıa qurǵan ol kelesi jyly arasyna bes aı salyp, taǵy eki áıeldiń kúıeýi atanǵan. Qazirgi kezde onyń 14 uly men 21 qyzy bar. Ol otbasyn asyraý úshin aýrýhanadaǵy jumysyna qosa, medrese dırektory bolyp qyzmet atqaratyn kórinedi. Ázirge tarshylyq kóre qoıǵanymyz joq deıdi úlken áýlettiń qojaıyny.
