Pákistandyq azamat 100 adamdy qar qursaýynan qutqardy
NUR-SULTAN. QazAqparat – Pákistan turǵyny Sýleman Han Kvetta qalasy mańyndaǵy qalyń qar basyp qalǵan joldardan 100-den astam adamdy qutqardy, dep habarlaıdy QazAqparat Geo TV telearnasyna silteme jasap.
Úsh kún buryn Belýdjıstan provıntsııasynyń jekelegen aımaqtarynda Kvetta men Zhob qalalary arasyndaǵy joldarda qozǵalys shektelgen bolatyn. Tasjoldaǵy qar qursaýynda áıelder, qarttar men balalar qalyp qoıǵan.
30 jastaǵy er adam úsh kún boıy adamdardy óz úıine aparǵan, sondaı-aq ózge baspanalarǵa da jetkizgen. Ol ózge kólik júrgizýshilerimen janarmaıyn da bólisken.
Telearna Hannyń 100-den astam adamdy qutqarǵanyn atap ótken. Budan basqa ol óz kóligimen ondaǵan mashınany qar qursaýynan súırep shyǵarǵan.
Bir apta buryn Pákistanda nóser men qar jaýyp, taýlarda qar kóshkini júrdi. Tabıǵı apattardyń saldarymen kúres jónindegi ulttyq agenttiktiń málimetteri boıynsha 100 adam qaza taýyp, 200-den astam turǵyn úı zardap shekken.
