Pákistandyq 60 sekýndtyń ishinde basymen 43 kokosty jaryp, rekord ornatty
ASTANA. QazAqparat - Pákistandyq sportshy Rashıd Nasım 60 sekýndta 43 shıki kokosty basymen jaryp, rekord ornatty. Bul týraly Hindustan Times basylymy habarlady.
Mundaı kórsetkishke qol jetkizý úshin Karachıdiń 30 jastaǵy turǵyny alty aı boıy daıyndalǵan. Ózi jaýyngerlik ónermen aınalyssa da, daıyndyq barysynda jaraqat alǵan.
Bul Rashıd Nasım ornatqan alǵashqy rekord emes. Daily Mail basylymynyń habarlaýynsha, shamamen bir jyl buryn ol óz basymen 60 sekýndta 210 grek jańǵaǵyn ýatqan.
«Men bes ret Gınnestiń rekordtar kitabyna enýge talpyndym, - dedi Nasım. - Meniń maqsatym - elim meni maqtan tutýy úshin 50 rekord ornatý».
