Pákistandaǵy joıqyn jarylys: 10 adam kóz jumyp, 15-i jaraqattandy
ASTANA. 14 qazan. QazAqparat - Pákistannyń soltústik-batysynda bolǵan joıqyn jarylystyń saldarynan kem degende 10 adam kóz jumyp, taǵy 15 jergilikti turǵyn jaraqattar aldy, dep habarlady RBK.
Oqıǵa Peshavar qalasynda oryn aldy. Polıtsııanyń bergen málimetterine qaraǵanda, jarylǵysh zat bazar alańyndaǵy turaqta turǵan kólikke qoıylǵan.
Quqyq qorǵaý organdarynyń ókilderi málim etkendeı, bombada 10 kelige jýyq jarylǵysh zat, sondaı-aq metal synyqtary boldy. Peshavar polıtsııasy basshylarynyń biri atap ótkendeı, barlyq zardap shekkender qajetti medıtsınalyq kómekterdi alýda, alaıda olardyń deniniń jaǵdaıy asa aýyr. Qazirgi ýaqytta bombany jankeshti-lańkes iske qosqany belgili boldy.
