Pákistandaǵy jol apatynan 18 adam opat boldy
ISLAMABAD. QazAqparat – Pákistandaǵy Belýdjıstan provıntsııasynda oryn alǵanjol-kólik oqıǵasy saldarynan kem degende 18 adam qaza taýyp, 30 adam zardap shekti. Bul týraly QazAqparat Ary News telearnasyna silteme jasap habarlaıdy.
Oqıǵa provıntsııanyń shyǵysyndaǵy Bhalok eldi mekeniniń janynda oryn alǵan. Hýzdar-Larkana baǵdarymen kele jatqan jolaýshylar avtobýsynyń júrgizýshisi jyldamdyqty shekten tys asyryp, kóligin basqara almaı qalǵan. Saldarynan avtobýs aýdaryldy.
Zardap shekkender aýrýhanaǵa jetkizildi. Oqıǵa ornynda qutqarýshylar jumys isteýde.
