Pákistandaǵy jol apaty: 27 adam mert bolyp, 30-dan astamy zardap shekken
NUR-SULTAN. Sınhýa-QazAqparat – Pákistannyń soltústik-shyǵysyndaǵy Pendjab provıntsııasynda jolaýshylar avtobýsy men treılerdiń soqtyǵysýy saldarynan kem degende 27 adam qaza taýyp, 30-dan astamy zardap shekken. Bul týraly dúısenbide Sınhýa agenttigi málim etti, dep habarlaıdy QazAqparat.
Oqıǵa Dera-Gazı-Han qalasynda oryn alǵan. Aınalma jolda qatty jyldamdyqpen kele jatqan avtobýs treılerge kelip soqqan. Zardap shekkender jaqyn jerdegi aýrýhanaǵa jetkizildi.
Agenttiktiń habarlaýynsha, avtobýs Radjanpýr provıntsııasyndaǵy eldi mekennen Sıalkot qalasyna qaraı baǵyt alyp bara jatqan.
