Pákistandaǵy jarylystan qaza tapqandar sany 32 adamǵa jetti
ASTANA. QazAqparat – Pákistannyń Aýǵanstan shekarasyna jaqyn Peshavar qalasyndaǵy meshitte bolǵan jarylystan qaza tapqandar sany 32 adamǵa jetti, dep habarlaıdy QazAqparat Reuters agenttigine silteme jasap.
Jarylystan zardap shekken 100-ge jýyq adam aýrýhanaǵa jetkizilgen, sonyń ishinde 10 adamnyń jaǵdaıy aýyr.
Jarylysty jankeshti túski namaz kezinde ózin jaryp jibergen. Ol kezde meshitte shamamen 250-deı adam bolǵan. Meshit ýchaskelik polıtsııa bólimshesiniń janynda ornalasqan.
Buǵan deıin jarylystan 19 adam qaza tapqany týraly habarlaǵan bolatynbyz.
Foto: REUTERS
