Pákistandaǵy jarylys saldarynan qurban bolǵan adamdardyń sany 72-ge deıin ósti
ASTANA. QazAqparat - Jeksenbi kúni Pákistannyń Lahor qalasyndaǵy Gúlshan-ı-Ikbal saıabaǵyndaǵy oıyn alańynyń janynda óz-ózin jaryp jibergen jankeshtiniń áreketi saldarynan qaza bolǵan adamdardyń sany 72-ge deıin ósti, taǵy 300-den astam adam jaraqattar aldy.
Bul týraly Dawn gazetine silteme jasap, TASS habarlady.
Jarylys kezinde saıabaqta balalarymen kóptegen otbasylar jınaldy, bul rette statsıonarlyq jáne mobıldik beketterde kúzetshiler bolmady. Saıabaqqa kelýshilerdiń kóp bolýy Pákistan hrıstıandarynyń Pasha merekesin toılaýymen baılanysty bolǵan. Jarylys balalardyń oıyn alańynan birneshe metr jerde boldy. Lańkestik áreket úshin jaýapkershilikti pákistandyq talıbterdiń «Tehrık-ı-talıban Pákistan" qozǵalysynyń bastamasymen qyzmet etip otyrǵan "Djamaat ýl-Ahrar" lańkestik toby óz moınyna aldy.
