Pákistandaǵy jarylys: 10 adam qaza tapty, 40-y jaralandy
ASTANA. 11 mamyr. QazAqparat - Pákistandaǵy parlament saılaýy kúni bolǵan eki jarylystyń saldarynan, sońǵy málimetter boıynsha, keminde 10 adam qazaǵa ushyrap, 40-tan astamy jaralandy, dep habarlady Bı-Bı-Sı.
Karachı qalasyndaǵy Avamı Ulttyq partııasy keńsesiniń janyndaǵy jarylysta keminde 10 adam qaza boldy jáne 30-dan astamy jaralandy.
Peshavar qalasynda jarylys áıelder úshin saılaý ýchaskesinde boldy. 8 adam jaralandy.
Saılaýǵa bir kún qalǵanda «Talıban» qozǵalysynyń ókilderi halyqty daýys berýge baıkot jarııalaýǵa shaqyrdy, sonymen qatar jankeshtiler shabýyly ázirlenip jatqanyn eskertti.
Bı-Bı-Sı-diń Islamabadtaǵy tilshisiniń habarlaýynsha, qaýipke qaramastan halyqtyń kópshiligi saılaýǵa qatysýda.
Daýys berýge birneshe saǵat qalǵanda Pákistan kórshi elderden sodyrlardyń óz aýmaǵyna ótýiniń aldyn alý úshin Iran men Aýǵanstan shekarasyn japty.
Ókimet oryndary shekara úsh kúnge deıin jabyq bolatynyn málimdedi.
