Pákistandaǵy sý tasqyny 10 mıllıard dollarǵa jýyq shyǵyn ákeldi
ASTANA. Qazannyń 15-i. QazAqparat - Dúnıejúzilik bank pen Azııanyń damý bankiniń baǵalaýynsha 2010 jyldyń jazynda Pákistanda bolǵan sý tasqynynyń zardaby 9,7 mıllıard dollardy qurady, dep habarlaıdy Ýtro.rý agentigi.
Bul qarajat ishine zardap shekken aımaqtar ınfraqurylymynyń shyǵyny, aýyl sharýashylyǵy salasynyń shyǵyny, qırap qalǵan turǵyn úıler men basqa ǵımarattardy qalpyna keltirýge ketken shyǵyn, sonymen qatar basqa da tikeleı jáne janama shyǵyn mólsherleri kiredi. Sondaı-aq bul somaǵa zardap shekken adamdarǵa tólengen ótemaqy mólsheri de qosylyp otyr. Bul málimetter búgin eki álemdik qarjy uıymdarynyń birlesken hattamasynda jarııalandy. Pákistandaǵy Azııalyq damý bankiniń dırektory Rýne Stremanyń sózine qaraǵanda, jazda bolǵan tabıǵı sý tasqynynyń shyǵyny Pákistanda 2005 jyly bolǵan jer silkinisiniń zardabynan eki ese kóp boldy.
