Pákistandaǵy saılaý: daýys berý aıaqtaldy
ASTANA. QazAqparat - Pákistanda ótken saılaýda federaldyq parlamenttiń jáne óńirlik zań shyǵarýshy jınalystyń jańa quramy saılandy, dep habarlaıdy Anadoly agenttigi.
85 myńnan astam saılaý ýchaskesi jergilikti ýaqyt boıynsha saǵat 18.00-de jabyldy.
Atalmysh saılaýda eldiń 105 mıllıon halqy daýys berý quqyǵyna ıe bolǵan.
Negizgi tartys eks-premer Navaz Sharıf kóshbasshylyq etken Pákistan musylman lıgasy men burynǵy krıket oıynshysy Imran Han basqarǵan «Pákistan Terık-ı-ınsaf» partııasy arasynda boldy.
Pákistannyń saılaý komıssııasy elde daýys berý júıesine qatysty 600 shaǵym týraly habarlady.
Eske salaıyq, Pákistanda daýys berý kúni jańkeshti lańkes uıymdastyrǵan iri teraktilerdiń bolǵan edi. Kvetta qalasyndaǵy jarylys saldarynan 31 adam qaza tapty.
