Pákistandaǵy qýatty jer silkinisinen úsh adam ajal qushty
ASTANA. QazAqparat - Senbi kúni Pákistan astanasyna jaqyn mańda bolǵan jer silkinisinen úsh adam kóz jumdy, dep habarlaıdy Sınhýa jergilikti BAQ-tarǵa silteme jasap.
Olardyń málimetinshe, kúshti jer asty dúmpýleriniń saldarynan úıleri qırap qalǵan bir otbasynyń úsh birdeı múshesi kóz jumǵan. Oqıǵa Pákistannyń soltústik-batysynda ornalasqan Haıber-Pahtýnhva provıntsııasyndaǵy Abbottabad qalasynda oryn alǵan.
AQSh geologııalyq qyzmetiniń habarlaýynsha, magnıtýdasy 5,5 bolǵan jer silkinisi senbi kúnine qaraǵan túni Islamabad mańynda oryn alǵan. UTC ýaqyty boıynsha saǵat 20:59-da el astanasynan soltústik-shyǵysqa qaraı 15 shaqyrym qashyqtyqa jerasty dúmpýleri tirkelgen. Jer silkinisiniń oshaǵy 26 shaqyrym tereńdikte ornalasqan.
