Pákistandaǵy eki lańkestik úshin jaýapkershilikti ázirge eshkim óz moınyna alǵan joq
ASTANA. Qarashanyń 3-i. QazAqparat - Pákistanda dúısenbi kúni jankeshtiler jasaǵan eki lańkestik áreketti uıymdastyrýdyń jaýapkershiligin ázirge eshkim moınyna alǵan joq,
degenmen ókimet tálibterge kúdik keltirip otyr, dep habarlaıdy «Azattyq» radıosy.
Dúısenbi kúni Ravalpındı qalasyndaǵy áskerı shtabtyń janynda bolǵan jarylys kezinde 35 adam qaza bolǵan edi.
Birneshe saǵattan keıin ekinshi bir jankeshti Lahor qalasynda, polıtsııa beketiniń janynda bombany iske qosty. 7 polıtsııa qyzmetkeri jaraqat aldy, ekeýi aýyr jaǵdaıda.
Pákistan prezıdenti Ońtústik Vazırıstandaǵy «Talıban» sodyrlarynyń jasaqtaryna shabýyldyń kúsheıtiletinin málim etti.
