Pákistandaǵy atys: 5 polıtseı qaza taýyp, jeteýi jaralandy
ISLAMABAD. QazAqparat – Quqyq qorǵaý organdarynyń ókilderimen jáne zańsyz qarý-jaraq satqan saýdagerlermen bolǵan atys saldarynan Gılgıt polıtsııasynyń terrorızmge qarsy kúres departamentiniń bes qyzmetkeri mert bolyp, jeteýi jaraqat aldy. Bul týraly QazAqparat Geo.tv telearnasyna silteme jasap habarlaıdy.
Telearnanyń málimetinshe, dúısenbiden seısenbige qaraǵan túni Gılgıt polıtsııasy Gılgıt-Baltıstan provıntsııasynyń Dıamır okrýginde zańsyz qarý-jaraq satqan saýdagerlerdi ustaý operatsııasyn júrgizdi. Qylmyskerler quqyq qorǵaý organdary qyzmetkerlerine oq jaýdyryp, saldarynan bes polıtseı mert boldy, taǵy beseýi jaraqattandy. Sonymen qatar, atys barysynda eki beıbit turǵyn zardap shekken. Qolda bar aqparatqa sáıkes, qylmyskerler oqıǵa ornynan izin sýytqan.
«Kúdiktilerdiń zańsyz qarý-jaraq saýdasyna qatysy bar bolyp shyqty», - dedi provıntsııanyń ýaqytsha bas mınıstri Afzal Han. Onyń tapsyrmasy boıynsha jaqyn arada oqıǵa týraly tolyq esep daıyndalýy kerek.
