Pákistanda júk kóligi mektep ǵımaratyn buzyp kirdi
ASTANA. QazAqparat - Pákistannyń soltústik-shyǵysyndaǵy BAGH kashmırlik okrýginde qyzdar mektebiniń ǵımaratyna júk kóligi buzyp kirdi, keminde bes adam qaza taýyp, 30-y jaraqat aldy. Bul týraly Xinhua agenttigine siletem jasap TASS habarlady.
Onyń málimetine súıensek, qaza tapqandardyń arasynda - bilim berý mekemesiniń tórt stýdenti men bir muǵalimi bolǵan.
Júk kóliginiń júrgizýshisi mashınany basqara almaı, joldan shyǵyp ketip, mektep ǵımaratyn buzyp kirgen. Kúdikti oqıǵa ornynan jasyrynyp qalady, keıinnen polıtsııa qyzmetkerleri tutqyndady. Zardap shegýshiler aýrýhanaǵa jetkizildi.
