Pákistanda jolaýshylar ushaǵy apatqa ushyrady
KARAChI. QazAqparat – Pakistan International Airlines (PIA) jolaýshylar ushaǵy búgin, 22 mamyrda Karachı qalasyna jaqyn mańda apatqa ushyrady, dep habarlaıdy QazAqparat Dispatch News Desk (DND) basylymyna silteme jasap.
DND málimet boıynsha, ushaq bortynda 95 jolaýshy bolǵan. Agenttik ekıpaj músheleriniń sany týraly málimet bermegen.
Jolaýshylar ushaǵy Pákistanda úlkendigi boıynsha ekinshi sanalatyn Lahor qalasynan Sınd provıntsııasynyń ortalyǵy Karachıge baǵyt alǵan.
Djınna halyqaralyq áýejaıyna qonýǵa az qalǵanda ushaq qulady. Boljam boıynsha apatqa tehnıkalyq aqaý sebep.
Derekkózderge silteme jasaǵan DND, ushaqtyń turǵyn úı aýmaǵyna qulaǵanyn málim etti. Ushaqtyń qulaýy saldarynan birneshe úıge zaqym kelgen.
Pákistan áskeri oqıǵa ornyna jetti.
