Pákistanda jolaýshylar avtobýsy ózenge qulap, 25 adam kóz jumdy
ISLAMABAD. QazAqparat - Pákistannyń soltústiginde avtobýs jol apatyna ushyrap, 25 jolaýshy qaza tapty, dep habarlaıdy QazAqparat India Today saıtyna silteme jasap.
Aqparat agenttigi bastapqyda 19 jolaýshy qaza taýyp, 6 adamnyń jaraqat alǵanyn jazdy. Odan keıin Bılgıt-Balgıstanda jol apatyna ushyraǵan avtobýs ishindegi barlyq jolaýshy qaza tapqany jazyldy.
Gılgıt-Balgıstan úkimetiniń baspasóz hatshysy Faızýlla Fıraktyń aıtýynsha, Ravalpındıden Skardýǵa bara jatqan avtobýs Rýondoo ózenine jyradan qulap ketken.
Keıbir málimetter boıynsha, júrgizýshi avtobýs rólin basqara almaı qalǵan. Polıtsııa qyzmetkerleri men qutqarýshylar oqıǵa ornyna kelip, qaza bolǵan adamdardyń denelerin alyp shyqqan.
Pákistanda jol-kólik oqıǵalary jıi bolyp turady. Onyń kóbi joldyń nashar bolýynan jáne kólik júrgizýshileriniń jaýapsyzdyǵynan bolady.
