Pákistanda jol-kólik apatynan qaza tapqandar sany 57 adamǵa jetti
ASTANA. QazAqparat - Pákistannyń Karachı qalasy mańynda avtobýs pen janarmaı tasıtyn kólik soqtyǵysyp, 30 adam mert bolǵany týraly budan buryn habarlanǵan bolatyn. Sońǵy aqparat boıynsha, jol-kólik apatynan qaza tapqandar sany 57 adamǵa jetti, dep habarlady VVS.
Olardyń ishinde 9 adam bir otbasy múshesi eken. Oqıǵa janarmaı tasyǵysh kóliktiń joldyń qarsy baǵytyna shyǵyp, jyldamdyqty asyrǵany kesirinen bolǵan.
