Pákistanda jer silkinisi boldy: 320-dan astam adam qaza tapty
ASTANA. 25 qyrkúıek. QazAqparat - Pákistannyń ońtústik-batysynda Belýdjıstan provıntsııasynda bolǵan terbelisi 7,7 kúshti jer silkinisiniń saldarynan qaza tapqan adamdar sany 320 adamnan asty, dep habarlaıdy Bı-Bı-Sı.
Jer silkinisi jergilikti ýaqyt boıynsha saǵat 16:29-da (Grınvıch boıynsha 11:29-da) oryn aldy, jer silkinisiniń oshaǵy 23 shaqyrym tereńdikte Belýdjıstannyń halqy az taýly aýdanynda ornalasqan.
Jer asty dúmpýleri Karachı, Haıdarabad, sonymen qatar Delıde oryn aldy. Bul jer asty dúmpýleri Arabııa teńizinde sý deńgeıiniń kóterilýine jáne Gvadardan 600 metr qashyqtyqta kishkentaı araldyń paıda bolýyna alyp keldi.
Avaran okrýginde úılerdiń 30 paıyzy qırady.
Belýdjıstanda jer silkinisi jıi bolyp turady. Sáýir aıynda ǵana jer silkinisi saldarynan 35 adam qaza tapqan bolatyn.
