Pákistanda jer asty dúmpýleri saldarynan 100-den astam adam qaza bolyp, teńiz túbi kóterildi
ASTANA. 25 qyrkúıek. QazAqparat - Keshe keshke Pákistannyń ońtústik-batysynda terbelisi 7,8 jer silkinisi tirkeldi, dep habarlaıdy AQSh Geologııalyq qyzmeti.
Reuters agenttiginiń málimetterine qaraǵanda, qurbandar sany 45 adamǵa jetken. alaıda "Interfaks" Pákistan qaýipsizdik qyzmetterine silteme jasap, qurbandar sany 65 adamǵa jetkenin habarlaıdy. Bul kórsetkish áli da kóbeıýi múmkin dep kútilýde.
Kelip túsip jatqan aqparattarǵa qaraǵanda, jer asty dúmpýleriniń saldarynan, sondaı-aq, Belýdjıstan provıntsııasynyń turǵyn úıleri jáne jańa salynyp jatqan qurylystar qırap qalǵan.
Jer asty dúmpýleriniń kúshi óte joǵary bolǵandyqtan, keı jerlerde teńiz túbi kóterilip ketken. Nátıjesinde Aravııa teńizinde Gvadardyń jaǵalyq syzyǵynan shamamen 600 metrde kishigirim aral paıda boldy.
