Pákistanda jarylystardy boldyrmaý maqsatynda uıaly baılanys óshirildi
ASTANA. 25 qarasha. QazAqparat - Pákistannyń iri qalalarynda operatorlar Jańa jyldy qarsy alyp jatqan
sýnnıtterdiń shııtterge ekstremıstik shabýylyn boldyrmaý maqsatynda uıaly telefon baılanysyna ýaqytsha shekteý qoıdy.
Uıaly telefon baılanysy Karachı, Kvetta qalalarynda, sondaı-aq el astanasy men Islamabadtyń keıbir aýdandarynda óshirildi. Qaýipsizdik qyzmeti ekstremısterdiń aktsııasy senbi nemese jeksenbi kúni oryn alýy múmkin dep sekem alýda.
Bılik ókilderi málim etkendeı, jarylǵysh zattardyń 90 paıyzy uıaly telefon baılanysy arqyly iske qosylady. Birneshe kún buryn Islamabadtan alys emes jerde jankeshti-lańkestiń dinı rásim barysyna jasaǵan shabýyly nátıjesinde 23 shııt qaza boldy.
