Pákistanda jankeshtiniń jarylysy 14 adamnyń ómirin qıdy
ASTANA. 20 qańtar. QazAqparat - Pákistandaǵy Ravalpındı garnızondyq qalashyqta jankeshti ózin-ózi jaryp jiberip, kem degende 14 adamnyń ómiri qıyldy. Bul týraly VVS habarlady.
Opat bolǵandardyń ishinde kem degende segizi beıbit turǵyn bar. Jarylys Pákistan áskeri bas shtabynyń mańynda ornalasqan bazarda oryn aldy. Ravalpındı polıtsııa basshysynyń sózine qaraǵanda, atalǵan bazar qalada muqııat kúzetiletin aýdanda ornalasqan. Bul jarylysqa jaýapkershilikti «Talıban» qozǵalysy óz moınyna alyp otyrǵan kórinedi. Budan buryn habarlanǵandaı, jeksenbide tálibterdiń shabýyly saldarynan Soltústik Vızırıstan provıntsııasynda 20 áskerı qyzmetker qaza boldy.
