Pákistanda úsh qoldy qyz dúnıege keldi
ASTANA. 13 mamyr. QazAqparat - Pákistannyń Dera-Gazı-Han qalasynda dárigerler patologııamen dúnıege kelgen qyzdyń ómirin saqtap qalýǵa tyrysýda.
2012 jyldyń 25 sáýirinde Taýnsa-Sharıf eldi mekeniniń perzenthanasynda erekshe aýytqýshylyǵy bar - úsh qoldy qyz dúnıege keldi. Aıta keteıik, mundaı jaǵdaı mılıonnyń arasynda bir ret kezdesedi.
Aýyr bosanýdan keıin áıel men náreste qalanyń basqa bóliginde ornalasqan Nishtar Hospital Multan aýrýhanasyna jetkizilip, olarǵa qajetti medıtsınalyq kómek kórsetildi. Keıin anyqtalǵandaı, jańa bosanǵan ana men onyń sábıi ózderin jaqsy sezinýde. Degenmen, shaqalaqqa dereýarada hırýrgııalyq ota qajet.
«Men qyzymdy alǵash kórgende qatty tańyrqadym. Qyzymyzdyń arqasynda úshinshi qoly bar», - dedi sábıdiń ákesi Vakar Ahmad.
Sábıdiń anasynyń sózine qaraǵanda, onyń júktiligi qalypty ótti, degenmen ol ÝZI tekserisinde múldem bolmaǵan kórinedi. Sondyqtan balanyń patalogııasy ol úshin kútpegen jaǵdaı boldy.
«Qazirgi ýaqytta dárigerler náresteni emdeýdiń ártúrli joldaryn qarastyrýda. Aldaǵy ýaqytta artyq qolyn alyp tastaý boıynsha kúrdeli operatsııa ótkizý qajet, - dep málimdedi jergilikti densaýlyq saqtaý departamentiniń ókili.
Qyzdyń ákesiniń sózine qaraǵanda, operatsııa jasatý úshin olardyń qarajaty joq. Otbasy emdeý shyǵyndaryn ótep bere alatyn qaıyrymdylardy istestirýde.
