Pákistanda urlanǵan qytaılyq velosıpedshi bir jyldan soń bosatyldy
ASTANA. QazAqparat - Pákistanda ótken jyldyń maýsym aıynda eldiń soltústik batysynda Haıber-Pahtýnhva provıntsııasynda tálibter urlaǵan qytaılyq velosıpedshi bosatyldy.
Nepal, Úndistan jáne Tıbet aýmaqtarymen júrip ótken Hýn Sıýıdýn bir jyldan astam ýaqyttan beri sodyrlardyń tutqyny bolǵan edi. Ol ótken túnde Pákistan ІІM ókilderine tapsyryldy.
Bılik qytaılyqty bosatý boıynsha daıyndyq jumystary men aqparatty jınaý sharalary jasalǵanyn rastady. Alaıda tutqyn qaı jerde bolǵanyn, qandaı maqsatpen ustalǵanyn jáne qandaı talaptarmen bosatylǵanyn aıtýdan bas tartty.
