Pákistanda tolassyz jaýǵan nóser jańbyr 17 adamnyń ómirin qıyp ketti
ISLAMABAD. QazAqparat – Pákistandaǵy Pendjab provıntsııasynda jaýǵan nóser jańbyr saldarynan 17 adam mert boldy, dep habarlaıdy QazAqparat Geo.tv telearnasyna silteme jasap.
Telearnanyń habarlaýynsha, úsh úıdiń shatyry qulap, 15 adam qaza tapqan, 17 turǵyn zardap shekken. Sonymen qatar, nóser saldarynan «Kasba-Bhal» kómir shahtasynda kóshkin júrgen, úsh adam opat bolyp, bes turǵyn jaraqat aldy.
Sınoptıkterdiń boljaýynsha, kelesi aptada jańbyr tolassyz jaýady. Pendjabtyń kóptegen iri qalalarynda qozǵalys qıyndap, elektr energııasyn jetkizýde qıyndyqtar týyndaýy múmkin.
