Pákistanda taǵy jarylys: 6 adam qaza tapty
ASTANA. 22 qańtar. QazAqparat - Pákistannyń soltústik-batysyndaǵy Haıber-Pahtýnhva ólkesinde jarylys saldarynan polıtseılerdiń shaǵyn avtobýsynyń kúl-talqany shyǵyp, keminde 6 adam qaza tapty, dep habarlady DAWN pákistandyq gazeti.
Basylymnyń jazýynsha, polıtseıler josparly sholý jasap júrgen kezde olardyń shaǵyn avtobýsy janynan jarylys oryn alǵan. Qaza tapqandardyń qatarynda 1 bala bar. 9 adam jaraqattandy. Aıta keterligi, ázirshe bul lańkestik áreket jaýapkershiligin eshkim moınyna alyp otyrǵan joq. Jalpy, ótken jeksenbiden beri elde birneshe lańkestik áreket oryn alyp, 10 adam mert boldy.
