Pákistanda sýretimen álemge tanymal áıel tutqyndaldy
ASTANA. QazAqparat - Pákistan polıtsııasy 12 jasynda National Geographic jýrnalynyń muqabasyna sýreti shyǵyp, tanymal bolǵan 44 jastaǵy Shárbat Gýlany ustady. Áıeldi el aýmaǵynda jalǵan qujatpen zańsyz turǵan dep aıyptaýda. Bul týraly The Guardian basylymy habarlaıdy.
2015 jyly Gýlanyń jeke kýáligi jarııa etildi. Alaıda áıel bosqyn ári Pákistan azamattyǵyn almaǵandyqtan jeke kýáliktiń zańdy ekendigi kúmándi bolyp shyqty. Sodan beri bir jarym jyl ishinde tergeý júrgizilip Shárbat Gýla qamaldy.
Eldiń resmı organ ókilderiniń málimeti boıynsha Gýlanyń kinási dáleldense, ol 14 jylǵa bas bostandyǵynan aıyrylyp, bes myń dollar aıyp salynýy múmkin.
National Geographic jýrnalynyń muqabasyna shyqqan Shárbattyń sýretin fotograf Stıv MakKarrı 1984 jyly túsirgen. Fotografııa Aýǵanstanǵa keńes áskeri basyp kirgen soǵys kezin, sonymen birge Pákistanǵa bosqan 2,5 mıllıon aýǵandyqtyń taǵdyryn beıneleıdi.
