Pákistanda sý tasqynynan qaza tapqandar sany 69-ǵa jetti
ASTANA. QazAqparat - Pákistanda 15 shildede bastalǵan sý tasqyny tolastamaı tur. Sońǵy málimetter boıynsha, tabıǵat apatynan qaza tapqandar sany 69-ǵa jetti. Buǵan deıin 51 adam ajal qushqany habarlanǵan bolatyn, dep jazady sheteldik BAQ.
Búkil el boıynsha 635 eldi meken sý astynda qalǵan, 1800 úı qıraǵan. 294 myń adam apatty aımaqta qalǵan. Sý tasqynynan eldiń soltústik-batysyndaǵy provıntsııalar qatty zardap shekti. Óńirde qutqarý operatsııasy jalǵasyp jatyr.
Aıta keteıik, mundaı alapat sý tasqynyna mýssondy jaýyndar maýsymy sebep bolyp otyr.
