Pákistanda sý tasqynynan 1100-den astam adam qaza tapty
El premer-mınıstri Shehbaz Sharıf 1100-den astam adamnyń qaıtys bolǵanyn, onyń ishinde 380-deı bala kóz jumǵanyn málimdedi.
Pákistan bıliginiń esebi boıynsha, tabıǵı apattan 33 mıllıon adam zardap shekken. Bul – el turǵyndarynyń 15 paıyzy. 50 myńnan astam adam eldiń soltústik-batysyna kóshirildi.
Tabıǵı apattardy basqarý ulttyq agenttiginiń basshysy Ahtar Navaz Pákistandaǵy 160 aýdannyń 72-si tabıǵı apattan zardap shekkenin aıtty. 800 myń gektardan astam aýyl sharýashylyǵy alqaptary sý astynda qaldy.
Aǵymdaǵy jyldyń tamyz aıynda elde jaýyn-shashyn 190 paıyzǵa derlik kóp tústi. Ásirese 50 mln halqy bar Sınd provıntsııasy qatty zardap shekti, mundaǵy jańbyr 30 jyldaǵy ortasha kórsetkishten 466% kóp jaýdy.
BUU Bas hatshysy Antonıý Gýterrısh halyqaralyq qaýymdastyqqa úndeý jarııalap, 5,2 mln adamǵa azyq-túlik, sý, sanıtarlyq jáne medıtsınalyq kómek kórsetý úshin 160 mln dollar bólýge shaqyrdy.
Pákistan qazirdiń ózinde Halyqaralyq valıýta qorynan 1,1 mlrd dollar kóleminde qarjylaı kómek aldy. Úkimettiń aldyn ala esebi boıynsha, sý tasqynynan kelgen shyǵyn 10 mlrd dollardan asyp otyr.
