Pákistanda sý tasqyny saldarynan 800 myńdaı adam syrtpen baılanyssyz qalyp otyr
ASTANA. Tamyzdyń 25-i. QazAqparat - Pákistanda tolastamaı otyrǵan sý tasqynynyń saldarynan 800 myńdaı adam syrtpen baılanyssyz qalyp otyr. Birikken Ulttar Uıymy bas hatshysynyń gýmanıtarlyq máseleler jónindegi orynbasary Djon Holmstyń aıtýynsha, olarǵa tek áýemen ǵana jetýge bolady, sebebi qurǵaqtaǵy joldardyń bárin sý shaıyp ketip otyr, dep habarlaıdy RBK agenttigi.
BUU ókiliniń naqtylaýynsha, olarǵa gýmanıtarlyq kómek jetkizý úshin eń az degende taǵy 40 tikushaq kerek.
Esterińizge sala keteıik, Pákistannyń ondaǵan myń turǵyny tasqyn sýdan zardap shegip otyr. Sońǵy málimetter boıynsha, tabıǵattyń tosyn mineziniń saldarynan 1600-deı adam qaza bolǵan, 20 mıllıondaı adam zardap shekken.
