Pákistanda sý tasqyny saldarynan 37 adam ajal qushty
ASTANA. QazAqparat - Pákistannyń soltústik-batysynda qatty nóser saldarynan bolǵan sý tasqynynda 37 adam qaza tapty, 200-den astamy jaraqat aldy. Bul týraly Lenta.ru Reuters agenttigine silteme jasap habarlady.
Daýyl aǵashtar men elektr jelileriniń baǵanalaryn qulatyp, úılerdi buzdy. Haıber-Pahtýnhva provıntsııasynyń aqparat mınıstri Mýshtak Ganı habarlaǵandaı, barlyq jergilikti aýrýhanalarda tótenshe jaǵdaı rejimi engizildi.
Túni boıy jańbyr jaýady dep kútilgendikten, shtat astanasy Peshavar qalasyndaǵy áýejaıda barlyq reıster keıinge shegerildi. Jaýyn ınfraqurylymǵa da zardabyn tıgizdi. Apat bolǵan aýdanǵa izdestirý-qutqarý jumystaryn júrgizý úshin áskerı qyzmetkerler jiberildi. 2014 jyly tamyz aıynyń sońy men qyrkúıektiń basynda Pákistannyń soltústik-shyǵysyndaǵy provıntsııalarda bolǵan birqatar apat saldarynan shamamen 300 adam qaza tapty. Al oǵan deıin 2010 jyly 1800-den astam adam qaza taýyp, 10 mln pákistandyq baspanasyz qaldy.
