Pákistanda sý tasqyny saldarynan 261 adam qaza tapty
ASTANA. QazAqparat - Pákistannyń soltústik jáne soltústik-shyǵys provıntsııalarynda oryn alǵan joıqyn sý tasqynynan qurbandardyń sany 261 adamǵa jetti.
ITAR-TASS-tyń habarlaýynsha, sý tasqyny saldarynan 261 adam kóz jumdy. Olardyń 183-i Pendjabeden, 64-i Azad Kashmırden, 14-i - eldiń basqa da aýdandarynan.
Qutqarý operatsııasyna áskerıler jumyldyryldy, olar tikushaqtar men qaıyqtarda zardap shekkenderdi qutqarýmen aınalysýda. Olar 22 myńnan astamdy qaýipsiz jerge kóshirdi. Alaıda, bılik derekterine súıensek, apat aımaǵynda áli 300 myńdaı adam bar.
Ádette jaýyn-shashyn maýsymy Pákistanda shildeden tamyzdyń aıaǵyna deıin jalǵasady.
Aıta keteıik, 2010 jyly elde sý tasqyny saldarynan 1,8 myńdaı adam qaza taýyp, 20 mln. turǵyn zardap shekken.
