Pákistanda sodyrlar NATO avtotsısternalaryna shabýyl jasap, órtep jiberdi, úsh adam qaza tapty
ASTANA. Qazannyń 4-i. QazAqparat - Pákistanda sodyrlar NATO halyqaralyq kúshterine arnalǵan otyn quıylǵan 20 avtotsısternaǵa shabýyl jasap, órtep jiberdi.
Shabýyl saldarynan úsh adam qaza tapty, dep habarlaıdy RBK agenttigi.
Shabýyl úshin jaýapkershilikti «Talıban» lańkestik toby moınyna alyp otyr. «Talıbannyń» ókili, NATO kolonnalaryn shabýyldaý úshin arnaıy jasaq qurylǵanyn habarlady. Ol sondaı-aq, «otyn jetkizilimi toqtatylmaı, shabýyldardyń jalǵasa beretinin» málim etti.
Resmı derekter boıynsha, lańkester kúzeti nasharlaý turaqta turǵan tsısternalarǵa oq jaýdyrǵan.
