Pákistanda shirkeýge shabýyldaǵan 100-den astam adam tutqyndaldy
Adam quqyqtary jónindegi komıssııa (NCHR) málimetteri boıynsha, sársenbiden beri 17 shirkeýge vandalızm aktisi jasalǵan. Shirkeýlerge shabýyl Shvetsııada Qurandy óreý áreketteri oryn alǵan soń bastalǵan.
«Djaranvalede 17 shirkeýge shabýyl jasaldy. Olardyń 12-si tirkelgen, 5-ýi tirkelmegen shirkeýler»,-dep habarlady Adam quqyqtary jónindegi komıssııa ókilderi.
5 myń adamnan qurylǵan tobyr Djaranvaledegi shirkeýdi qorshap alyp, shabýyldamaq boldy. Alaıda olardy polıtsııa toqtatty.
Vandalızm áreketi boıynsha tergeý bastaldy.
Aıta keteıik, keıingi kezde Shvetsııa men Danııada Qurandy órteý áreketteri jıiledi.
Birikken Ulttar Uıymynyń Bas Assambleıasy konfessııaaralyq dıalogty damytýǵa jáne óshpendilik tilmen kúresýge baǵyttalǵan qarar qabyldady.
Prezıdent Qasym-Jomart Toqaev Soltústik Eýropanyń birqatar memleketinde bolǵan Qurandy órteý aktilerin qazirgi álemdegi jaǵdaıdy shıelenistirýge, halyqtar men memleketter arasyndaǵy senimge nuqsan keltirýge baǵyttalǵan arandatýshylyq áreket dep sanaıtynyn aıtty.