Pákistanda sel tasqyny qurbandarynyń sany 430 adamǵa jetti
ASTANA. Shildeniń 31-i. QazAqparat - Pákistanda sel tasqyny qurbandarynyń sany 430 adamǵa jetti. Mıana ýálaıatynyń aqparat mınıstri Iftıhar Hýseınniń aıtýynsha, tabıǵattyń tosyn minezinen 400 myńdaı jergilikti turǵyn úılerin tastap ketýge májbúr boldy, dep habarlaıdy RBK agenttigi.
Sel tasqynyna qatty mýssondyq jaýyn-shashyn sebep bolyp otyr, jaýyn-shashynnan eldiń soltústik-batysy qatty zardap shegýde. Al pákistandyq sınoptıkter jaýynnyń ázirge basyla qoımaıtynyn aıtýda. Atap aıtqanda, Peshavar qalasynda sońǵy úsh kúnde 302 mm jaýyn-shashyn jaýǵan. Arnalarynan tasyǵan ózen birneshe derevnıany shaıyp ketip otyr.
Kýágerler, adamdardy qutqarýǵa Pákistannyń qutqarý qyzmetteriniń kúshi de, jabdyqtary da jetpeı otyrǵanyn, sonyń saldarynan kisi qurbandyqtary kóp ekenin habarlaýda. Qutqarýshy tikushaqtar aýa raıynyń saldarynan usha almaýda, al qaıyqtar jetispeıdi. Belýdjıstan jáne Pendjab ýálaıattarynda sel tasqyny egistikterdi shaıyp ketti. Peshavar men Islamabadtyń arasyn baılanystyryp otyrǵan federaldyq tas jol jabyldy. Bul týraly Associated Press agenttigi habarlap otyr.
Pákistandaǵy tasqyn sýdan kóbine kedeıler qurban bolýda. Olar qaýipsiz aýmaqtardan úı satyp alýǵa jaǵdaılary jetpeıtindikten, sel tasý jáne laı kóshý qaýpi joǵary aýdandarda turýǵa májbúr.
