Pákistanda sel 15 adamnyń ómirin qıdy
ASTANA. QazAqparat - Pákistandyq Karachı qalasynda sel saldarynan 15 adam ajal qushty. Olardyń 10-ynyń ólimine toq soǵý sebep boldy, dep jazady sheteldik BAQ.
Qalǵandary qabyrǵalar nemese ǵımarattardyń shatyrlarynyń qulaýy saldarynan qaza tapty. Eldiń iri megapolısinde joldardy sý basty, elektr taratý jelileri zaqymdaldy. Júzdegen jergilikti turǵyn evakýatsııalandy.
Aıta keteıik, shilde aıynyń basynan beri qatty sel saldarynan Úndistan da zardap shegýde. Kóptegen adamdar iz-túzsiz joǵaldy. Jańbyrdyń úzdiksiz jaýýy izdeý-qutqarý jumystaryn qıyndatty.
