Pákistanda rýhanı tálimger óziniń 20 izbasaryn óltirdi
ASTANA. QazAqparat - Pákistannyń soltústik-shyǵysyndaǵy rýhanı ortalyqtardyń birinde tálimger óz jaqtastarymen birge kem degende 20 jamaǵatty óltirdi.
Olarǵa aldyn ala esirtki berilgeni anyqtaldy. Oqıǵa Pendjab provıntsııasynyń Sargodha qalasynda bolǵan, dep habarlaıdy QazAqparat TASS agenttigine silteme jasap.
Qylmyskerler adamdardy óltirý úshin machete men soıyldy qoldanǵan. Sondaı-aq jaraqat alǵan taǵy úsh adam týraly habarlanýda.
Shabýyl jasaǵan qaskóı aýyr psıhıkalyq syrqatqa shaldyqqany belgili boldy.
Óz kezeginde, Sınhýa agenttiginiń aqparatyna sáıkes, jappaı adam óltirý oqıǵasy oryn alǵan ǵımarat birneshe jyl buryn turǵyzylǵan jáne rýhanı ortalyq bıliktiń tyıym salýyna qaramastan jumys jasap kelgen.
Polıtsııa kúdikti men onyń bes sybaılasyn tutqyndady, tergeý jumystary júrgizilýde.
