Pákistanda poıyzdardyń soqtyǵysýynan on adam mert boldy
ASTANA. Qarashanyń 3-i. QazAqparat - Pákistannyń ońtústiginde poıyzdardyń soqtyǵysýy saldarynan kemi 10 adam mert boldy, taǵy 30 adam jaraqat aldy, dep habarlaıdy QazAqparat RBK saıtyna silteme jasap.
Jergilikti bılik ókilderiniń habarlaýynsha, jolaýshylar poıyzy Karachıdiń qala mańyndaǵy temirjoldardyń birinde turǵan júk poıyzymen soqtyǵysqan. Oqıǵa saldarynan eki jolaýshylar vagony aıtarlyqtaı búlingen.
Aldyn ala derekter boıynsha apatqa semafordyń qyzyl shamynyń belgisin ańǵarmaǵan jolaýshylar poıyzy mashınısiniń beıqamdyǵy sebepshi bolǵan. Oqıǵanyń mán-jaıy anyqtalýda.
