Pákistanda poıyzdan shyqqan órtten 25-ke jýyq adam mert boldy
RAHIM ıAR HAN. QazAqparat – Pákistannyń Karachı qalasynan Ravalpındıge bet alǵan júrdek poıyzda órt shyǵyp, saldarynan 25-ge jýyq adam mert bolyp, taǵy 30-y zardap shekti. Oqıǵa Rahım ıAr Han okrýgi, Lıakatpýr qalasynda bolǵan. Bul týraly QazAqparat Geo News saıtyna silteme jasap habarlaıdy.
«Tezgam» júrdek poıyzy kún saıyn Karachı men Ravalpındı arasynda qatynaıdy. Derekkózdiń málimetinshe, órt jolaýshylar ózderine tańǵy as ázirlep jatqan kezde gaz ballonynyń jarylýynan shyqqan. Jalyn ekonom-sanattaǵy eki vagondy jáne bıznes-sanattaǵy bir vagondy sharpyǵan.
Jergilikti qutqarý qyzmeti basshysynyń aıtýynsha, kóz jumǵandardyń arasynda órtten qashpaq bolyp vagonnan sekirgender de bar. Eldiń premer-mınıstri qaza tapqandardyń otbasylaryna kóńil aıtty.
