Pákistanda poıyz avtobýspen soqtyǵysyp, 19 adam qaza tapty
ISLAMABAD. QazAqparat – Pákistannyń shyǵys bóliginde Pendjab provıntsııasynda poıyz avtobýsty soǵyp ótip, saldarynan kem degende 19 táý etýshi sıkh qaza tapty. Bul týraly juma kúni Geo TV telearnasy habarlady.
Táý etýshiler mingen avtobýs ruqsat etilmegen jerden temirjoldy kesip ótip bara jatqan. Aldyn ala málimet boıynsha, júrgizýshi jol qozǵalysy erejesin buzyp, jolda poıyzdyń joqtyǵyna kóz jetkizip almaǵan.
Zardap shegýshiler aýrýhanaǵa jetkizildi, olardyń sany anyqtalyp jatyr.
