Pákistanda poıyz apatynan qaza tapqandar sany 30-ǵa jetti

ISLAMABAD. QazAqparat - Pákistannyń ońtústik-shyǵysynda poıyzdyń relsten shyǵyp ketýinen kem degende 30 adam qaza tapty, taǵy 80 adam jaraqat aldy, dep habarlaıdy QazAqparat «Anadoly» aqparat agenttigine silteme jasap.

Buǵan deıin habarlanǵandaı, Pákistannyń Navabshah qalasy mańynda jolaýshylar poıyzy relsten shyǵyp ketip, 22 adam mert boldy jáne 50 adam jaraqattandy. Karachıden Ravalpındı qalasyna baǵyt alǵan Hazara Expressi poıyzynyń 10 vagony Novabshah qalasy mańynda relsten shyǵyp ketken.Temirjol mınıstri Havadja Saad Rafıktiń aıtýynsha, jol apaty tehnıkalyq aqaýdan nemese astyrtyn árekettiń saldarynan bolýy yqtımal.