Pákistanda poıyz apatqa ushyrap, 20-dan astam adam mert boldy

ISLAMABAD. QazAqparat – Navabshah qalasy mańynda Hazara Expressi jolaýshylar poıyzynyń 10 vagony relsten shyǵyp ketti, dep habarlaıdy QazAqparat Anadolu agenttigine silteme jasap.

Pákistannyń Navabshah qalasy mańynda jolaýshylar poıyzy relsten shyǵyp ketip, 22 adam mert boldy, 50 adam dene jaraqatyn aldy, dep habarlady temirjol mınıstri Havadja Saad Rafık.

Onyń sózinshe, Karachıden Ravalpındı qalasyna baǵyt alǵan Hazara Expressi poıyzynyń 10 vagony Novabshah qalasy mańynda relsten shyǵyp ketti.

Mınıstrdiń sózinshe, jol apaty tehnıkalyq aqaýdan nemese astyrtyn árekettiń saldarynan bolýy yqtımal.

Oqıǵa ornynda 22 admnyń denesi tabylyp, jaraqat alǵan 50 adam aýrýhanaǵa jetkizildi.

Іzdeý-qutqarý jumystary jalǵasýda. Mert bolǵandar sanynyń artýy múmkin.

2021 jyldyń shildesinde Pákistanda eki poıyzdyń soqtyǵysýy saldarynan 63 adam mert boldy.