Pákistanda poıyz 2 motorıkshany soǵyp, balalar qaza tapty
ASTANA. QazAqparat - Pákistannyń soltústik-batysynda poıyz temirjol qıylysynda 2 motorly rıkshany soǵyp, 7 oqýshy qaza tapty. Qaıǵyly oqıǵa Pendjab provıntsııasynyń Lod-hran qalasynyń mańynda bolǵan, dep jazady «Habar 24».
Taǵy 5 bala jaraqat aldy. Budan basqa, arba-kóliktiń jaralanǵan bir júrgizýshisi aýrýhanada kóz jumǵan. Jergilikti polıtsııa ókiliniń málimdeýinshe, rıkshanyń tizginshisi kele jatqan poıyzdyń jyldamdyǵyna nazar aýdarmaǵan.
Buǵan bir jaǵynan tuman da kedergi jasaǵanǵa uqsaıdy. Onyń ústine shoıyn jol men kólik ótetin qıylysta shlagbaým qoıylmaǵan. Apatqa baılanysty mashınısttiń kómekshisi men poıyzdyń qıylystan ótý tártibine jaýapty qyzmetker qamaýǵa alyndy.
