Pákistanda oıynshyq-bombanyń jarylýynan 6 bala ajal qushty
ASTANA. QazAqparat - Jeksenbi kúni Pákistannyń soltústik-batysynda oıynshyqqa uqsas jarylǵysh zat iske qosylyp, alty bala ajal qushty, dep habarlaıdy QazAqparat «RIA Jańalyqtar» agenttigine silteme jasap.
Málim bolǵandaı, oqıǵa Aýǵanstan shekarasynan alys emes jerde Ońtústik Vazırıstannyń aýyldarynyń birindi boldy.
«6-12 jas aralyǵyndaǵy alty ul bala oıynshyq-bombanyń jarylýy saldarynan qaza boldy, taǵy ekeýi aýyr jaraqattandy», - dep málim etti Frans Press agenttigine esimi atalmaǵan jergilikti ákimshilik ókili.
Jarylǵysh zattyń qaıdan kelgeni belgisiz. Oqıǵanyń ózge mán-jaılary anyqtalýda.
