Pákistanda nóser jańbyr saldarynan 86 adam qaza tapty
ISLAMABAD. SINЬHÝA-QazAqparat - Pákistanda 25 maýsymnan bastap jaýǵan jaýyn-shashyn saldarynan kem degende 86 adam qaza taýyp, taǵy 151 adam jaraqat aldy. Bul týraly dúısenbide eldiń tabıǵı apattarǵa qarsy kúres jónindegi Ulttyq basqarmasy málimdedi, dep habarlaıdy QazAqparat Sınhýa aqparat agenttigine silteme jasap.
Vedomstvonyń habarlaýynsha, Pákistannyń shyǵysyndaǵy Pendjab provıntsııasy eń kóp zardap shekken aımaq boldy. Onda qatty jańbyrdan týyndaǵan sý tasqynynan kem degende 52 adam kóz jumǵan.
Budan basqa, búkil el boıynsha sý tasqyny kezinde kem degende 97 úı qırap, 46 bas mal qyryldy.
Qazirgi ýaqytta úkimet, kommertsııalyq emes uıymdar men eriktiler zardap shekken aýdandarda qutqarý jumystaryn júrgizýde.
