Pákistanda meshitti adamdarmen qosa tasqyn sý shaıyp ketti
ASTANA. QazAqparat - Pákistannyń soltústiginde, Aýǵanstan shekarasyna jaqyn mańda ornalasqan Chıtral aýmaǵynda shamamen 30 adam topan sýdan qaza tapty, dep habarlaıdy reseılik BBC.
Aýdan basshylyǵynyń málimdeýinshe, Arsýn aýylynyń birneshe úıi men meshitti jáne ishinde bolǵan adamdardy tasqyn sý shaıyp ketken.
Sondaı-aq, sol aýmaqta ornalasqan jergilikti polıtsııanyń segiz múshesi iz-tússiz joǵalyp otyr.
Ótken jyly da osy aýmaqta asa kúshti sý tasqyny bolyp, adam shyǵyny oryn alǵan edi.
