Pákistanda matamen ǵana qorshalǵan mektep ashyldy
ASTANA. QazAqparat - Pákistan tegin mektep Pákistanda ózgelerge úlgi bolarlyqtaı ıgi is qolǵa alyndy. Eldiń eń iri qalasy Karachıde tegin mektep jumys istep tur, dep habarlaıdy Habar 24 .
Onda turmys jaǵdaıy tómen otbasylardyń balalary oqıdy. Ázirge ul-qyzdar ǵımarattyń ishinde emes, kóshe boıynda bilim alýǵa májbúr. Kólik qozǵalysy men ózgeler kedergi etpes úshin oqý orny matamen qorshalǵan. Soǵan qaramastan eriktiler shákirtteriniń yntasy zor ekenin aıtady. Negizi Pákistannyń ózge qalalarynda da osyndaı jobalar iske qosylǵan eken. Sóıtip qazir 200 myń bala tegin bilim alyp otyr. Olardyń teń jarymy: 5-16 jas aralyǵyndaǵy qyzdar.
«Ata-anam meni mektepke jibere almaıdy. Óıtkeni otbasymyzda bala kóp. Páter jaldap turamyz. Sondyqtan anam tegin mektep týraly estip, birden meni sonda jiberdi. Maǵan ásirese ýrdý tilin oqyǵan unaıdy. Bolashaqta áskerge baryp, otan aldyndaǵy mindetimdi atqarǵym keledi», - deıdi oqýshy Shagýfta Nafıs.
Bastama týraly joba avtory mektepti jaman isterden aýlaq bolý úshin ashqandyǵyn jetkizdi.
«Bizde oqıtyn balalardyń kóbi kezinde qaıyr tilegen nemese qylmyspen aınalysqan. Olar mundaı jaman isterden aýlaq bolý úshin mektep ashtyq. Alaıda jetkinshekterdi aram oılaryn iske asyrý úshin paıdalanyp kelgen qaskóıler bizge barynsha kedergi keltirýge tyrysyp jatyr», - dedi joba avtory Seıd Anfas Álı Shah Zaıdı.
