Pákistanda lańkestik jasaǵany úshin sottalǵan 500 adamdy ólim jazasyna kespek
ASTANA. QazAqparat - Pákistan bıligi terrorlyq aktige qatysqany úshin sotty bolǵan 500 jazasyn óteýshini aldaǵy aptada ólim jazasyna kesýge nıetti ekenin habarlady Agence France-Presse.
Bertinge deıin Pákistanda ólim jazasyna moratorıı bolǵan. Alaıda «Tehrık-e Talıban Pákistan» qozǵalysynyń sodyrlary Peshavrdaǵy mektepke shabýyldaǵannan keıin bul tyıym alynyp tastaldy. Ótken úsh kúnde alty adam ólim jazasyna kesildi.
Aıta keteıik, Haıber-Pahtýnhva provıntsııasynda Peshavr qalasyndaǵy áskerı oqý ornyna 16 jeltoqsan kúni shabýyl jasalǵan bolatyn. Ǵımaratqa basyp kirgen alty talıb 500-ge tarta kýrsanttar men oqytýshylardy kepilge aldy. Sodyrlar operatsııa barysynda óltirildi, alaıda olardyń qolynan 149 adam, negizinen kýrsanttar kóz jumdy.
