Pákistanda lańkestik saldarynan 42 adam qaza tapty
ASTANA. Qarashanyń 11-i. QazAqparat - Seısenbi kúni Pákistannyń soltústik-batysyndaǵy Charsadda qalasynda jasalǵan lańkestik árekettiń saldarynan qaza tapqandardyń sany 42 adamǵa jetti,
dep habarlaıdy ITAR-TASS agenttigi.
100-ge jýyq adam jaraqat aldy. Qaza tapqandardyń arasynda - bazarlap júrgen áıelder, taǵy birneshe bala bar.
Polıtsııa ókiliniń aıtýynsha, bomba joldyń shetinde turǵan jeńil kólikke qoıylǵan bolyp shyqty. Lańkestik úshin jaýapkershilikti «Tehrık ı talıban Pákistan» qozǵalysynyń sodyrlary óz moıyndaryna alyp otyr.
Charsadda qalasyndaǵy lańkestikke baılanysty Pákistan polıtsııasy men arnaıy qyzmetteriniń barlyq kúshteri joǵary daıyndyq jaǵdaıyna keltirildi.
