Pákistanda lańkestik oqıǵanyń saldarynan 100-ge jýyq adam qaza tapty
ASTANA. Qazannyń 29-y. QazAqparat - Sársenbi kúni Pákistannyń Soltústik-batys shekara provıntsııasyndaǵy Peshevar qalasynda qandy oqıǵa oryn aldy.
Bomba qoıylǵan avtokóliktiń jarylysy saldarynan 100-ge jýyq adam qaza tapty. Jaralanǵandardyń sany 240 adamnan asady. Qaza tapqandar men jaralylardyń ishinde balalar men áıelder kóp, dep habarlaıdy ITAR-TASS agenttigi.
Qýatty bombanyń Peshavardyń adam kóp jınalatyn bazarlarynyń birinde jarylýy osynshama kisi qurbandyǵyna ákelip otyr. Jarylys saldarynan jaqyn jerde turǵan ǵımarattardyń biri tolyq qıraǵan. Jarylys qurylǵynyń qýaty 120 keli trotılge teń, deıdi sarapshylar.
